Kandidati i LDK-së për kryetar të Prizrenit, Eqrem Kryeziu, i ka quajtuar ‘qyfyre’, deklarimet e fundit të kryeministrit të Kosovës, Hashim Thaçit, që i ka bërë për riciklimin e tij në Prizren.
“Thaçi nganjëherë flet qyfyre, të cilave nuk iu beson as vetë ai”, tha Kryeziu për “PrizrenPress”.
“Unë jam pak hajgarexhi, por Kryeministri po ma kalon. Ai është bërë shumë hajgarexhi”.
Kryeministri i Kosovës, njëherësh kryetar i PDK-së, Hashim Thaçi në takimin e fundit me strukturat e PDK-së në Prizren, ka thumbuar kandidatin e LDK-së, Eqrem Kryeziun dhe kryetarin e BD-së, Zafir Berishën, ndonëse nuk ia ka përmendur emrin asnjërit prej tyre.
Ai ka thënë se kundërkandidati i Mujës, me 3 nëntor u dëshmua se ishte vetëm një material i riciklimit. “Ndërsa me 1 dhjetor nuk do të mbetet as si material për riciklim”.
Kandidati i LDK-së Eqrem Kryeziu thotë ndërkaq se kryeministri Thaçi e di mirë gjendjen e keqe në Prizren, “prandaj edhe fletë në këtë mënyrë”.
“Në qoftëse një njeri ose një komb, e humbë lirinë dhe pas një përpjekjeje të gjatë e fiton atë liri, a do të thotë se e ricikloi ai situatën e mëparshme”.
“Ne po dëshirojmë ta ristuarojmë lirinë dhe krenarin e Prizrenit, i cili është përfshirë në korrupsion dhe hajni. Këtë e di mirë Kryeministri”.
Kryeziu nuk ka komentuar akuzat e Thaçit për pengimin që kishte bërë për vendosjen e shtatorëve të dy dëshmorëve në “Shatërvan” të Prizrenit. “Do të përgjigjem edhe përë këtë, por një ditë tjetër”. /PrizrenPress.com/