Lidhja Demokratike e Kosovës (LDK) së bashku me partnerët e koalicionit, kanë hapur zyrtarisht fushatën në Prizren.
Kryetari i LDK-së, Isa Mustafa, ka thënë se ndihet mirë për koalicionin me Bashkimin Demokratik dhe komunitet tjera. Ai ka pohuar se Prizreni, është i qytetarëve dhe se ky qytet nuk është pronë e askujt, e asnjë partie politike, por se është i prizrenasve. Ai ka thënë se qytetarët e Prizrenit, do të vendosin me 1 dhjetor se kush do t’i qeverisë, duke kërkuar mobilizim dhe punë, që më 1 dhjetor, siç ka thënë ai, të votohet për të ardhmen e fëmijëve të prizrenasve, zhvillimit ekonomik dhe atij urban.
Ndërsa kandidati i LDK-së, për Prizrenin, Eqrem Kryeziu, ka interpretuar në shqip deklaratën e James Rubuin, ish diplomatit amerikan duke thënë se krahu i luftës duhet të largohet nga pushteti faqebardhë, e jo faqezi. Ai ka interpretuar, po ashtu, disa deklarata të kryeministrit Hashim Thaçi, i cili, sipas Kryeziut, ka thënë se gjatë qeverisjes së Eqrem Kryeziut, ai nuk ka mundur të sjellë në Prizren as krye bashkiakun e Kukësit.
Kryeziu ka thënë, po ashtu, duke interpretuar deklaratën e Thaçit se nën udhëheqjen e Ramadan Mujës në Prizren, ka qëndruar dhe baronesha Cetherin Eshton. Kryeziu ka thënë se Thaçi ka menduar se Ramadan Muja, është baronesha e Prizrenit.
Edhe kryetari i Bashkimit Demokratik, Zafir Berisha ka thënë se 1 dhjetori është fundi i qeverisjes së klaneve Pronto. /Kosovapress/