Situata me pandeminë Covid-19 në territorin e komunës së Malishevës, është e qetë dhe nuk ka asnjë rast aktiv.
Përkundër testimeve të shumta që bëhen në QKMF në Malishevë dhe në laboratore të tjera, nuk është regjistruar asnjë rast i ri.
“Kohëve të fundit, kanë filluar të shtohen rastet e reja me Covid-19, prandaj kërkohet nga të gjithë që të bëjnë kujdes dhe të shfrytëzojnë të drejtën për t’u vaksinuar kundër Covid-19. Lëvizjet e mëdha që bëhen në sezonin e verës, ahengjet, udhëtimet dhe të tjera, e shtojnë rrezikun e paraqitjes së rasteve të reja të infektimit me virusin Covid-19”, ka njoftuar komuna e Malishevës.
Ndërkaq siç theksohet në këtë njoftim, ënkryetari i komunës së Malishevës, Hajdin Berisha, u ka bërë thirrje të gjithë qytetarëve pa dallim, që të kenë kujdes të shtuar, pasi kohëve të fundit, kanë filluar të shtohen rastet e reja me Covid në vendin tonë dhe kjo nuk e përjashton as territorin e komunës së Malishevës.
Po ashtu, nënkryetari Berisha, u ka bërë thirrje të gjithë qytetarëve, që të shfrytëzojnë mundësinë për t’u vaksinuar kundër Civid-19, pasi kjo është masa më e mirë mbrojtëse nga ky virus, i cili lehtë përhapet dhe në shumë raste mund të jetë edhe fatal.