PDK-ja dhe LDK-ja kanë arritur marrëveshje koalicioni për balotazhin 14 nëntorit në Komunën e Malishevës.
Marrëveshja e bashkëpunimit për bashkëqeverisje mes PDK-së dhe LDK-së përmban 10 nene dhe është nënshkruar nga Isni Kilaj i PDK-së dhe Bajrush Hoti i LDK-së.
Këto dy parti janë marrë vesh që të bashkëqeverisin në Malishevë për mandatin e ardhshëm 4 vjeçar.
Në komunën e Malishevës në zgjedhjet e 17 tetorit, Ekrem Kastrati i Nismës ka dalë i pari me 34,30% të votave, Isni Kilaj i PDK-së është renditur i dyti me 29,07% të votave i pasuar nga Bajrush Hoti i LDK-së me 16,94%.
