Xherdan Shaqiri ka shënuar golin e tij të parë në ligën amerikane, MLS me skuadrën e tij të re, Chicago Fire.
Sulmuesi me origjinë shqiptare shënoi golin e dytë për Chicago-n në fitoren 3-1 ndaj Sporting Kansas City.
Shaqiri shënoi në minutën e 50-të, i cili u tregua i saktë nga penalltia duke e lënë të shtangur portierin.
30-vjeçari është shndërruar menjëherë në një nga lojtarët kryesorë të Chicago Fire dhe në katër ndeshjet e tyre, ndeshjet prej kur është bërë pjesë e skuadrës, ai ka luajtur gjithë kohës, ku ka dhënë edhe dy asistime.
Kujtojmë se Shaqiri u transferua në MLS këtë merkato dimërore nga Lyon-i për te Chicago Fire, ku duket se po kalon mjaft mire.
Chicago synon të radhiten të parët në Konferencën Lindore, dhe duket se do ta arrijnë këtë objektiv, pasi sezonin e ka nisur mbarë me dy barazime dhe dy fitore që e mbajnë skuadrën në vendin e dytë.
Chicago janë vetëm dy pikë larg pozitës së parë, Philadelphia, por për të arritur objektivin, të gjithë i kanë sytë nga Xherdan Shaqiri.
/Albanianpost.com