Fatos Zekolli është i riu që sot tragjikisht u mbyt nga rryma.
I riu është nga Bllaca e Suharekës dhe vdiq në Pejë derisa po kryente punime me eskavator.
Lajmin për vdekjen e tij e bënë të ditur familjarët në rrjete sociale të cilët thanë se viktima ka vdekur pas një aksidenti nga rryma elektrike.
Policia e ka konfirmuar këtë ngjarje të rëndë për Klankosova.tv, derisa tha se akoma nuk dihen shumë detaje lidhur me të.
“Policia sot njoftuar se në afërsi të udhëkryqit Loxhë-Gorozhdec, në lagjen ‘Dardania’, një person e ka zënë rryma gjatë punimeve. Është dërguar në spital edhe mjeku kujdestar e ka konstatuar vdekjen e tij”, tha zëdhënësi i Policisë për rajonin e Pejës, Fadil Gashi.
Gashi pranoi se nuk dihet se çfarë ishte duke punuar i ndjeri në momentin kur e zuri rryma./Klankosova.tv