19.8 C
Prizren
E diel, 29 Qershor, 2025

Komuna e Rahovecit përfiton 40 000 euro grant

Kryetari i komunës së Rahovecit, Smajl Latfi dhe ministri i Pushtetit Lokal, Elbert Krasniqi, ka nënshkruar marrëveshje përmes së cilës kjo komunë përfiton 40,000.00 euro grant nga thirrja “Programi për mbështetje për projektet infrastrukturore për komunitete për komunat e Republikës së Kosovës”.

“Me mjetet e përfituara nga kjo thirrje, do të mundësohet ndërtimi i rrugëve me prioritet në pjesën e epërme të qytetit, duke i shërbyer zhvillimit të infrastrukturës së përgjithshme të komunës sonë, e veçanërisht pjesës së banuar nga komunitetet”, ka thënë Latifi, duke shtuar se në saje të mirëqeverisjes dhe efikasitetit, Rahoveci është një prej komunave që përfiton grante e donacione nga organizatat qeveritare, joqeveritare dhe ndërkombëtare.

“Do të mbetemi të përkushtuar dhe të përqendruar për qeverisje të mirë që u shërben interesave të qytetarëve. Falënderova ministrin Krasniqi për bashkëpunimin dhe korrektësinë dhe i shpreha gatishmërinë për bashkëpunim ndërinstitucional edhe në të ardhmen”, ka thënë Latifi./ PrizrenPress.com

Më Shumë

Dy persona kapen me marihuanë në Fortesë të Rahovecit

Policia ka trajtuar një rast të posedimit të paautorizuar të narkotikëve në fshatin Fortesë të Rahovecit, ku dy persona janë kapur me substancë të...

Fillon periudha për ndërrimin e Qendrës së Votimit brenda komunës

Komisioni Qendror i Zgjedhjeve ka njoftuar se më 28 qershor ka filluar periudha për ndërrimin e Qendrës së Votimit brenda komunës për Zgjedhjet Lokale...

Lajmet e Fundit