Policia e Kosovës (PK) njofton se nga tentim vrasja që ndodhi dje në Prizren, ka mbetur i plagosur një person në këmbë, pasi është qëlluar me revole. Dy të dyshuarit janë dërguar në mbajtje.
Në raportin 24 orësh të Policisë, thuhet se rasti ka ndodhur rreth orës 14:20, ndërsa është konfiskuar revolja me dy fishekë.
“Është raportuar se viktima mashkull kosovar ka mbetur i plagosur në këmbë pasi ishte qëlluar me revole nga i dyshuari mashkull kosovar. Viktima është dërguar për tretman mjekësor, ndërsa në vendin e ngjarjes kanë dalur njësitë relevante policore me ç’rast është konfiskuar një revole me 6 fishekë. Lidhur me rastin është konsultuar prokurori kompetent me vendim të të cilit dy persona të dyshuar që ndërlidhen me rastin dërgohen në mbajtje”, thuhet në njoftim.
Bëhet e ditur se rasti është nën hetime.