Liria është bërë sot me trajner të ri.
Prizrenasit e kanë emëruar trajnerin, Mirsad Jonuz në krye të shtabit teknik.
Me një përvojë në vende të ndryshme të Evropës, Jonuz do të mundohet t’i ndihmojë Bardhezinjtë në misionin e tyre të vështirë për të qëndruar në Superligë.
“Të gjithë bashkë mund të bëjmë më të mirën. Veçanërisht ftoj tifozët e zjarrtë Arpagjik’t dhe gjithë qytetin të bashkohen në synimin tonë, ta ngrisim Lirinë sa më lartë”, ka thënë Jonuz, pas arritjes së marrëveshjes.
Ndryshe, Valon Osmani kryetar, pohoi: “I kishim disa opsione për trajner. Besojmë që ky është i duhuri. Trajneri i ri ka synim ta nxjerr klubin nga kjo krizë rezultatesh. Marrëveshja është deri në fund të stinorit”, ka thënë Osmani.
Liria është e fundit në Superligë me 9 pikë të grumbulluara pas 15 ndeshjesh të zhvilluara. /Gazeta Express/