Kryetari i AAK-së-dega në Prizren, Besnik Krasniqi, ka akuzuar kryetarin e Komunës, Shaqir Totajn se nuk është treguar bashkëpunues me subjektin e tij politik.
Sipas tij, Totaj ka më shumë se një vit që ka shpërfillur kërkesat e AAK-së.
“Vazhdimisht i kemi shkruar ku kemi kërkuar ndërrimin e drejtoreshave të partisë sonë, mirëpo ai nuk është përgjigjur”, tha ai në një konferencë për media.
AAK-ja ka dal dje nga koalicioni me PDK-në në Prizren.
“Përkundër të gjitha dallimeve e mosmarrëveshjeve që rezultuan me prishje të koalicionit qeverisës në Prizren, qytetari duhet të informohet drejt. Është për keqardhje deklarata e kryetarit Totaj për arsyen e prishjesh së koalicionit. Dëshmitë e keqinformimit të qëllimshëm i keni në këtë dokument. Si kryetar i degës kam kërkuar zyrtarisht zëvendësimin e dy drejtoreshave”, tha Krasniqi Krasniqi.
Sipas tij, Totaj ka tentuar të ketë ndikim te drejtoritë e AAK-së.
“Ka kërkuar të ndëshkohen punëtorët që kanë bindje tjetër poliike, mirëpo ne nuk e kemi bërë një gjë të tillë”, tregoi ai./PrizrenPress.com/