Kuvendi Komunal në Malishevë me shumicë votash ka zgjedhur kryesuesin e saj, Enver Hoti, nga Iniciativa Qytetare e Malishevës.
Zgjedhja ka ndodhur sot pas disa orëve të Kuvendit Komunal.
Pas procesit të votimit, kryesuesi i sapozgjedhur, Enver Hoti, duke marrë fjalën, i falënderoi të gjithë anëtarët e Kuvendit të Komunës.
“Unë do të jem zëri i qytetarëve të Malishevës dhe i ftoj të gjithë anëtarët e KK-së, që ta kontrollojnë punën e Kryetarit të Komunës dhe qeverisë komunale”, tha Hoti.
Kryesuesi Hoti, me këtë rast premtoi transparencë të plotë në udhëheqjen e Kuvendit të Komunës.
Në anën tjetër kryetari i Komunës së Malishevës, Ragip Begaj, pasi e uroi kryesuesin Hoti, për kryesimin e KK-së në katër vitet e ardhshme, tha se ‘do të bashkëpunoj me të gjithë anëtarët e KK-së, në të mirë të qytetarit dhe për ta quar përpara Malishevën’.
“Të gjithë së bashku mund ta zhvillojmë Malishevën”
Edhe përfaqësuesit e subjekteve politike në Kuvendin e Komunës së Malishevës, e kanë uruar kryesuesin Hoti, për kryesimin e legjislativit të Malishevës, në katër vitet e ardhshme.
Në fillim të seancës, e dhanë betim edhe tre anëtar të KK-së, të cilët kanë zëvendësuar tre anëtar të tjerë, të cilët janë tërhequr nga KK, për shkak të pozitave të tyre udhëheqëse ose në administratën komunale. Anëtar e rinj të KK-së janë, Islam Vrenezi, Rifat Mazreku dhe Driton Halilaj./PrizrenPress.com/