Komuna e Malishevës ka njoftuar sot për ndarjen nga jeta të Hajdin Berishës, drejtor i Drejtorisë për Shëndetësi dhe Mirëqenie Sociale, veteran i luftës së UÇK-së dhe ish-nënkryetar i Komunës.
Berisha, nga fshati Gurbardh i Malishevës, u nda nga jeta në mënyrë të parakohshme, duke lënë pas vetes një kontribut të çmuar në shërbim të komunitetit dhe vendit.
Me këtë rast, kryetari i Komunës së Malishevës, Ekrem Kastrati, ka shprehur ngushëllimet e tij të sinqerta familjes Berisha, bashkëluftëtarëve dhe miqve të tij.
“Sot morëm lajmin e dhimbshëm të ndarjes nga jeta të bashkëluftëtarit, bashkëpunëtorit dhe mikut tonë, Hajdin Berisha. Në emër të Komunës së Malishevës, të qeverisë komunale dhe në emrin tim personal, ju shprehim ngushëllimet më të thella”, tha kryetari Kastrati, në një telegram ngushëllimi.
Për detaje rreth kohës së varrimit dhe organizimeve të tjera për nder të të ndjerit, Komuna e Malishevës do të informojë qytetarët në koordinim me familjen e Hajdin Berishës./PrizrenPress.com/
Marketing
