Në Dragash u shënua Ditën Ndërkombëtare e Vajzave me një aktivitet të organizuar nga zyrtarja për Barazi Gjinore, Lindita Kozmaqi Piraj.
Në takim morën pjesë kryetari i Komunës, Bexhet Xheladini, dhe kryesuesja e Kuvendit, Arijeta Skeraj, të cilët adresuan rëndësinë e përkrahjes dhe barazisë për vajzat në shoqëri, përcjell PrizrenPress.
Xheladini përgëzoi të gjitha vajzat me rastin e kësaj dite, duke theksuar se barazia gjinore është thelbësore për të ndërtuar një shoqëri të drejtë.
“Të punojmë të gjithë së bashku për një të ardhme ku çdo vajzë ka mundësi të mbarimit të arsimimit, mbrojtjes së shëndetit dhe zhvillimit profesional, si çdo qytetar i barabartë në një Republikë demokratike,” tha ai, duke bërë thirrje që të angazhohemi maksimalisht që vajzat tona t’i mbështesim në çdo aspekt dhe t’i inkurajojmë për t’i ndjekur ëndrrat e tyre./PrizrenPress.com/
Përjetoni pushime të paharruar dhe dasma magjike në Hotel “Albes Residence”
