Komuna e Suharekës ka shpallur një arritje të rëndësishme duke u bërë e para në Kosovë që implementon angazhimet e Agjendës së Kontratës Sociale, një projekt që mbështetet nga USAID dhe synon të përmirësojë bashkëpunimin ndërmjet qytetarëve dhe autoriteteve lokale, përmes forcimit të transparencës dhe pjesëmarrjes aktive të qytetarëve në proceset vendimmarrëse.
Për këtë arsye, Komuna e Suharekës, së bashku me përfaqësuesit e grupeve të qytetarëve, do të organizojë një ceremoni për të festuar këtë arritje të rëndësishme dhe për të theksuar rëndësinë e bashkëpunimit të ngushtë mes qytetarëve dhe autoriteteve lokale.
“Kjo është një arritje e madhe për ne dhe për qytetarët e Suharekës. Zbatimi i Agjendës së Kontratës Sociale është një hap i rëndësishëm në forcimin e marrëdhënieve dhe transparencës ndërmjet qytetarëve dhe komunës,” thuhet në njoftimin e komunës.
Ceremonia do të përfshijë ushqim, pije dhe një program artistik, duke u ofruar mundësinë qytetarëve që të festojnë së bashku arritjet e përbashkëta./PP/
Marketing
Përjetoni pushime të paharruar dhe dasma magjike në Hotel “Albes Residence”
