Kryetari i Komunës së Prizrenit, Shaqir Totaj, ka uruar qytetarët për 28 Nëntorin.
Sipas tij, kjo datë historik nuk është një përvjetor i thjeshtë, por një festë e rëndësishme që i bashkon të gjithë shqiptarët, pavarësisht se ku jetojnë e punojnë nëpër botë.
“28 Nëntori është kremtimi i të qenit shqiptar, pas shumë shekujsh luftë e sakrifice. Sot, ne gëzojmë dhe jetojmë në një shoqëri të pavarur dhe demokratike. Kjo ditë na kujton betejat e mëdha të paraardhësve tanë dhe sakrificat që ata bënë për lirinë dhe shtetin tonë”, shkruan Totaj në Facebook.
“Më 28 nëntor të vitit 1443, heroi kombëtar Gjergj Kastrioti Skënderbeu ngriti flamurin shqiptar në kalanë e Krujës, duke simbolizuar fillimin e rezistencës shqiptare kundër pushtuesve. Ndërkaq, më 28 nëntor 1912, Ismail Qemali shpalli Pavarësinë e Shqipërisë në qytetin e Vlorës, duke e çuar kombet shqiptar në rrugën e lirisë dhe pavarësisë”.
Marketing
Përjetoni pushime të paharruar dhe dasma magjike në Hotel “Albes Residence”
Kompleksi ‘Newco Elan’ ofron banesa të ëndrrave tuaja në zemër të Prizrenit
