Ish-zëvendësambasadori i Kosovës në Kroaci, Urtak Hamiti, ka fituar betejën ndaj Ministrisë së Punëve të Jashtme, pasi që Këshilli i Pavarur Mbikëqyrës për Shërbim Civil i Kosovës (KPMSHCK) e ka shfuqizuar vendimin “për suspendim deri në dy vjet nga e drejta për t’u caktuar në post”.
Pas incidentit të 31 korrikut 2013, kur Hamiti ishte arrestuar nga autoritetet policore kroate me arsyetimin se ka vozitur automjetin zyrtar të Ambasadës së Kosovës në gjendje të dehur, Komisioni për Grada dhe Disiplinë kishte rekomanduar që Hamiti të suspendohet deri në dy vjet nga e drejta për t’u caktuar në këtë post./zeri/