Komuna e Malishevës ka njoftuar se po vazhdon me mbajtjen e dëgjimeve buxhetore në të gjitha fshatrat e saj, me qëllim që projektbuxheti për vitin 2026 të hartohet në bazë të kërkesave të qytetarëve dhe që ata të jenë të informuar rreth planifikimit buxhetor.
Sipas njoftimit, gjatë mbrëmjes së djeshme janë mbajtur takime me qytetarët e Këshillave Lokale të Kijevës, Bubavecit, Gollubovcit, Turjakës dhe Lubizhdës, ku është bërë prezantimi i qarkores afatmesme buxhetore 2026–2028, me fokus të veçantë në vitin 2026.
Në këto takime, drejtori i Drejtorisë për Buxhet dhe Financa, Blerim Thaçi, ka prezantuar projektbuxhetin dhe ka njoftuar për ndarjet buxhetore të planifikuara. Për investimet kapitale, ai ka theksuar se ndarja fillestare buxhetore është rreth 5.3 milionë euro, me synimin që kjo shumë të rritet deri në 8 milionë euro përmes të hyrave të tjera.
Tutje, sipas njoftimit, qytetarët kanë kërkuar që investimet të fokusohen në përmirësimin e infrastrukturës, përfshirë ndërtimin e rrugëve, trotuareve dhe kanalizimeve, sidomos për largimin e ujërave të zeza dhe lidhjen e tyre me kolektorin kryesor. Po ashtu, është kërkuar mbështetje për bujqësinë përmes subvencioneve dhe hapjes së rrugëve fushore që ndihmojnë në qasjen në tokat e punuara./PrizrenPress.com
Marketing
NISU – Çdo natë për Ulqin me Bashkimi Reisen nga 27 qershori!
Freski e përditshme me çmim të zbritur – zgjidh aparatet e ujit Bruno!
Bruno & Brentoni Home me super oferta që nuk duhen humbur në Prizren!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
https://prizrenpress.com/hapesira-me-qira-ne-objektet-e-reja-te-renelual-tahiri-ne-prizren/