Me rastin e 17 Shkurtit – Ditës së Pavarësisë së Republikës së Kosovës, Qendra Rajonale për Trashëgimi Kulturore në Prizren ka organizuar aktivitetin edukativ “Ciceronët e Rinj” në ambientet e Kompleksi Monumental i Lidhjes Shqiptare të Prizrenit.
Në këtë hapësirë historike, ku u artikuluan idealet kombëtare shqiptare, nxënësit e Shkolla e Mesme e Ulët “Hysen Rexhepi” morën rolin e ciceronëve, duke prezantuar ekspozitat për vizitorët dhe duke interpretuar ngjarjet historike përmes këndvështrimit të brezit të ri.
“Në këtë ditë të shënuar për shtetin tonë, në hapësirën ku u artikuluan idealet kombëtare, në Kompleksin Monumental të Lidhjes Shqiptare të Prizrenit, organizojmë aktivitetin edukativ “Ciceronët e Rinj”. Nxënësit e Shkollës se Mesme te Ulet “Hysen Rexhepi” do të marrin rolin e ciceronëve, duke prezantuar ekspozitat për vizitorët dhe duke interpretuar historinë përmes zërit të brezit të ri”, thuhet në njoftimin e QRTK-së në Prizren.
Përmes këtij aktiviteti synohet të fuqizohet ndërgjegjësimi për rëndësinë e trashëgimisë kulturore si kujtesë kolektive, përgjegjësi qytetare dhe pjesë thelbësore e identitetit kombëtar.
“Trashëgimia është kujtesë, përgjegjësi dhe identitet”, theksohet në njoftim.
Aktiviteti është i hapur për publikun dhe hyrja është pa pagesë, duke e kthyer këtë ditë në një festë të përbashkët të historisë dhe edukimit./PrizrenPress.com/
Marketing
Pagesa me këste / Shiten 3 banesa në Kompleksin “Prizreni i Ri”
Banesat më të kërkuara në Prizren – Bëhu pronar në Foleja Residence!
Kompleksi ‘Newco Elan’ ofron banesa të ëndrrave tuaja në zemër të Prizrenit
‘Toni Residence’ – Mos e humb rastin për të blerë banesën tënde në Prizren
Hapësira me qira në objektet e reja te ‘RENELUAL TAHIRI’ në Prizren
