Në galerinë e departamentit të universiteteve të arteve të bukura në Stamboll u hap ekspozita ndërkombëtare me temën “Të drejtat e gruas”
Në ekspozitë morën pjesë gjithsej 80 artiste të gjitha femra, nga Turqia , Shqipëria, Argjentina, Kosova, Maqedonia, Anglia, Greqia, Kolumbia, Uruguai, Spanja dhe Siria.
Në këtë ekspozitë morën pjesë 11 artiste shqiptare. Nga Kosova: Bardha Buza, Adriana Marku, Emine Krasniqi, Die Bllaca, Dafina Hajra, Drita Suka dhe Besarta Fetiu, nga Shqipëria: Marjana Goxhabelliu, Lori Lako dhe Glorinda Boba, nga Maqedonia” Alma Idrizi.
Ekspozita u organizua nën përkujdesjen kuratorial të Artistes nga Argjentina ideator e projektit Zonja Alejandra Adorno Menduina, artisti Kani Kaja nga Turqia dhe artisti Refki Gollopeni nga Kosova.
Në ekspozitë morën pjesë përfaqësues artistë nga elita e Stambollit, përfaqësues diplomatik nga Spanja dhe Argjentina dhe të tjerë.
Ekspozita së pari u mbajt në Kolumbia, në Uruguai, Argjentinë dhe së fundi në Turqi.
Rrugëtimi i ekspozitës do të vazhdoi edhe ne Kosovë që hapja do të behet me 8 mars 2014 me rastin e ditës ndërkombëtare të gruas pastaj do të udhëtoi në Shqipëri, Maqedoni, Itali dhe Spanjë.