Arsi Bako fiton Festivalin e Pranverës me këngën “Humb”

Arsi Bako është shpallur fituesja e këtij edicioni të Festivalit të Pranverës, duke triumfuar me këngën “Humb”. Pas një gare të fortë, ajo arriti të rrëmbejë çmimin e madh, dy dekada pas rikthimit të këtij festivali të rëndësishëm.

Me një kombinim të votave 60 % të jurisë profesionale dhe 40 % asaj digjitale këngëtarja fituese Arsi Bako grumbulloi 260 pikë dhe shkon automatikisht në Festivalin e Këngës në RTSH, në fund të vitit.

Në vend të dytë u rendit Herva Novaku me këngën “Zemër në dy hap” me 242 pikë, ndërsa në vend të tretë Jet me “Në derë do t’i qaj” me 174 pikë.

Ky rikthim i Festivalit të Pranverës solli në Teatrin e Operas dhe Baletit një festë të madhe muzikore, ku u ndërthurën gara, nostalgjia dhe rikthimi i emrave të mëdhenj të skenës shqiptare.

Mbrëmja e sotme risolli emocionet e munguara, gërshetuar me nostalgji dhe freskinë e të rinjve konkurrentë. Emra që lanë gjurmë dhe kanë shkruar historinë e Festivaleve të Pranverës, si Aleksandër Gjoka, Frederik Ndoci, Irma Libohova, Rovena Dilo, Eneda Tarifa, Jonida Maliqi, Dashnor Diko, Adhurim Demiri dhe Renis Gjoka interpretuan hite që u kënduan në kor edhe nga publiku.

Rijetësimi i një prej ngjarjeve më të rëndësishme të muzikës në vend, erdhi nën regjinë e Ermal Becit, kuruar në detaje nën skenografinë e Albi Çifligut, qëndisur në çdo fjalë me skenar të Genc Salihut.

Dyshja e moderatorëve, këngëtarja Bleona Qereti dhe aktori Nik Xhelilaj, me kiminë e pamatë të tyre bënë për vete të gjithë publikun. Ndërsa interpretimi në skenë i këngëtares Bleona Qerreti emocionoi publikun në sallën e Teatrit të Operas dhe Baletit mbushur plot. Ky Festival premton rikthim vitin e ardhshëm, për t’i sjellë kryeqytetit hijeshi muzikore./rtsh.al/

Marketing

Shiten 5 banesa në Prizren – pagesë me këste

“V. Kryeziu” – Zgjidhje për rregullimin e oborrit të shtëpisë dhe hapësirave tuaja!

Realizoni projektet tuaja me BiCredit, partneri juaj i besueshëm financiar në Prizren!

Mos prit më – merr kredinë që të duhet në IMF KosInvest

Banesat më të kërkuara në Prizren – Bëhu pronar në Foleja Residence!

Industria e mishit “Medina” në Prizren – traditë, cilësi dhe shije autentike të produkteve të mishit që nga viti 1991

Kompleksi ‘Newco Elan’ ofron banesa të ëndrrave tuaja në zemër të Prizrenit

“Guraziu” në Prizren, me 20 vjet përvojë pune në vendosjen e dyerve, laminatit, parketit, kuzhinave dhe dhomave të fjetjes

‘Toni Residence’ – Mos e humb rastin për të blerë banesën tënde në Prizren

Hapësira me qira në objektet e reja te ‘RENELUAL TAHIRI’ në Prizren

Më Shumë

Në Prizren mbahet Festivali Pranveror Rajonal i Miqësisë “Akshami i Prizrenit”

Fundjavën që lamë pas, në hapësirat e Qendrës Kulturore Boshnjake në Prizren, u mbajt Festivali Pranveror Rajonal i Miqësisë “Akshami i Prizrenit”, në organizim...

Në Rogovë të Hasit përkujtohet Komandant Lleshi

Në Rogovë të Hasit është përkujtuar heroi i kombit Haxhi Hoti – Komandant Lleshi, në 28-vjetorin e rënies së tij heroike. Me këtë rast, kryetari...

Lajmet e Fundit