Rrëzimi i shtyllës së rrymës rrezikon jetën e banorëve të fshatit Tupec.Korporata Energjetike e Kosovës(KEDS) në Prizren, edhe pse është informuar me kohë, nuk ka intervenuar në rregullimin e kësaj shtylle.
Banorët ankohen se KEDS, deri më tash nuk iu ka përgjigjur lajmrimeve për rrëzimin e shtyllës.
Kryetari i fshatit Tupec, Mehmet Çoçaj tha se KEDS, është lajmëruar me kohë për këtë shtyllë, por nuk ka intervenuar.
“Ne që disa herë jemi duke e lajmëruar si rast, por deri më tash askush nga KEDS-i nuk ka ardhur për të rregulluar këtë shtyllë”.Sipas tij, kjo shtyllë po rrezikon jetën e banorëve.
“Telat e rrymës kanë ra mbi dyert e shtëpisë së një kryefamiljari”.
Çoçaj tregon se përvec rrëzimit të shtyllës një pjesë e lagjesë së Tupecit nuk kanë as rrymë.
“Disa herë i kemi lajmëruar këto raste në Prishtinë, por edhe në zyrat e KEDS-it në Prizren, por askush nuk ka ardhur për të zgjidhur këtë problem.Prandaj, edhe një herë publikisht informojmë KEDS-in që të vijnë dhe të rregullojnë këtë shtyllë, sepse po rrezikon jetën e banorëve”./PrizrenPress.com/