Këshilli i Përgjithshëm i LDK-së në mënyrë unanime, pa asnjë votë kundër miratoi listën prej 110 kandidatëve për deputet për Kuvendin e Kosovës.
Kryetari i LDK-së Isa Mustafa tha se në listë janë përfshirë të gjithë emrat e deputetëve të vjetër, ndërsa listës i janë shtuar edhe emrat e rinj të aderimeve të reja që janë bërë në Lidhjen Demokratike të Kosovës, e në mesin e tyre edhe Teuta Rugova, bija e presidentit Ibrahim Rugova,shkruan Express.
LDK në listën e saj i ka bërë vend edhe ish-presidentit dhe kryetarit të LDK-së, Fatmir Sejdiu, por meqë ai gjendet jashtë vendit, LDK pret një konfirmim zyrtar nga vetë z. Sejdiu nëse ai dëshiron të jetë pjesë e LDK-së për zgjedhjet e 8 qershorit.