Scout Willis, vajza e Demi Moore dhe Bruce Willis, ka zgjedhur një formë të veçantë për të protestuar ndaj Instagramit për fushatën e nudizmit.
Ajo vendosi të dalë nëpër rrugët e Nju Jorkut “topless” duke shkruar poshtë fotos së postuar në “Twitter”: “E ligjshme në Nju Jork, por jo në Instagram”.
Ajo shihet teksa ecën dhe shkon për të blerë lule e zhveshur. Scout Willis ka protestuar gjithmonë për rregullat e Instagramit sesi ndalon përdorimin e imazheve nudo të femrave, qoftë edhe kur bëhet fjalë për fushata në luftë kundër kancerit të gjirit.
“Nëse nuk dëshironi të më shihni, thjesht mos më ndiqni në Instagram. Rehatia ime me trupin tim nuk duhet të diktohet nga mënyra sesi të tjerët më perceptojnë mua. Nuk dua t’i imponoj pamje të tilla askujt”, shkruan Scout.