Me nderime nga të larta, u varros sot, veterani i luftës së Ushtrisë Çlirimtare të Kosovës nga fshati Drenovc, Mazllum Isuf Krasniqi, i cili dje ka ndërruar jetë në moshën pesëdhjetë vjeçare. Në ceremoninë e varrimit morën pjesë, qindra bashkëluftëtarë, bashkëvendës dhe familjar të të ndjerit, si dhe zyrtarët më të lartë komunal të Malishevës.
Në ceremoninë e varrimit, pasi paraprakisht u bënë homazhe, në shkollën e fshatit, për jetën dhe veprimtarin ushtarake në UÇK të Mazllum Krasniqit, foli, Enver J. Hoti, në emër të Shoqatës së Veteranëve të Ushtrisë Çlirimtare të Kosovës, dega në Malishevë.
Ndërsa në emër të Komunës së Malishevës, ngushëllime për familjen dhe bashkëluftëtarët, shprehi i pari i Malishevës, Ragip Begaj. /PrizrenPress.com/