I njohur me emrin e artit si Lil-g Street Thugz, këngëtari Arlind Pashollari, pas shumë kohe shkëputje në skenë, vjen me projekte të reja. Ai është një prej rrepistave më të ri në vend, ndonëse ka filluar të merret me muzikë që në moshe të re.
Gjatë viteve të fundit, ai ka realizuar një sërë këngësh si “Për ju”, “Eja më shiko”, “Sa her që vim”, “Veç për mu”, etj. I kontaktuar nga portali “albeu”, këngëtari thotë se ka shumë projekte për ti publikuar, ku shumica janë me pjesëtarë të grupit.
“Kam disa projekte për të nxjerrë, shumica e tyre bashkëpunime me pjesëtarë të grupit, por për momentin jam duke pergatitur një këngë balad e stilit Rap, që do realizohet me video klip, e cila besoj se do ngjalli interes tek publiku.
Tani po punoj për përfundimin e këngës dhe shumë shpejt, do shfaqet edhe klipi. Hip-Hop për mua ka qënë pasion që në vegjëlin time, kurse tani ka krijuar imunitet tek unë”, ka thënë ai për “albeu”
I pyetur se çfarë simbolike ka për të muzika, ai përgjigjet: “Realisht muzikën e dua aq shumë, saqë dua të këndoj në gjithë jetëgjatësinë time”. Lil-g Street Thugz është ndalur edhe tek emocionet e të kënduarit live.
“Kur këndoj live, për mua është kënaqësi e patjetërsueshme, që më jep siguri tek vetja. Këtë e perjetoj edhe në kryeqytet, por edhe në qytete të tjera. Piksynimi im është të arrij sa më lart dhe të punoj shumë, për të ralizuar materiale muzikore që me të vërtetë i’a vlen të dëgjohen. Gjithashtu do rris cilësinë e këngëve të mia në vazhdim, të cilat do kenë mesazh percjellës tek rinia, po ashtu edhe në jetën sociale”, u shpreh ai.