Recep Taip Erdogan është kandidati i shpallur nga AKP për kandidat në zgjedhjet që do të mbahen në muajin gusht në Turqi.
Erdogan mban postin e Kryeministrit të vendit që prej vitit 2003, por ligjet vendase e ndalojnë të garojë për një tjetër mandat në këtë post.
Në mesin e akuzave për korrupsion dhe skandaleve të përgjimeve analistët thonë se ai është bërë gjithnjë e më shumë autoritar në pushtetin e tij. Por Erdogan këmbëngul se është viktimë e një puçi të organizuar e drejtuar nga kundërshtarët e tij politikë për ta rrëzuar nga pushteti.
Presidenti në Turqi deri më tani është një post më shumë ceremonial. Ai është zgjedhur nga parlamenti, por me ndryshimet e bëra në Kushtetutë që nga gushti pushteti i Presidentit zgjerohet.
Në prill presidenti aktual, Abdullah Gyl mohoi zërat për një rrokadë pushtetesh mes tij dhe Erdogan, njësoj si precedenti Medvedev-Putin në Rusi.
AKP ka fituar në shumicë dërrmuese gjashtë zgjedhjet e fundit për pushtetin qendror e lokal dike ruajtur bazën e saj; klasën punëtore. Fitorja e fundit e saj ishte në zgjedhjet vendore pak muaj më parë, edhe pse lideri i partisë, Erdogan ishte vendosur në qendër të akuzave për korrupsion dhe për autoritarizëm.
Vendimi i të martës për të emëruar Erdogan si kandidat për president është pritur me brohorima dhe duartrokitje të gjata nga pjesëtarët e partisë në kongresin e zhvilluara në kryeqytetin Ankara. / Top Channel