Në mjediset e Akademisë së Shkencave dhe të Arteve të Kosovës sot mbahet sesioni shkencor: “Gjuha e simetrive – një këndvështrim nga teoria e përfaqësimit dhe gjeometria”.
Në sesion shkencor të organizuar nga Seksioni i Shkencave të Natyrës i Akademisë së Shkencave dhe të Arteve të Kosovës do të ligjërojnë profesorë të njohur universitarë:
Dr. Ethan Cotterill, Fluminese Federal University, Brazil; Dr. Harald Grobner, University of Vienna, Austria; Dr. Masoud Kamgarpour, University of Queensland, Australia; Dr. Robert Kremser, University of Munich, Germany; Dr. Marie-Amelie Lawn, University of Texas at Austin, USA; Dr. Justin Noel, University of Regensburg, Germany; Dr. Travis Schedler, University of Texas at Austin, USA.
Simetritë janë të pranishme në natyrë dhe ato shfaqen edhe në studimet shkencore në fizikë, kimi dhe matematikë, ndër shumë lëmenj të tjerë.
Në këtë Tubim shkencor do të diskutohen aspekte të ndryshme të gjuhës së simetrive nga perspektiva e Teorisë së përfaqësimit dhe nga Gjeometria.