Woody Allen mbetet një nga regjizorët më prodhimtar, me filma me gamë të gjerë temash dhe gjithmonë tërheqëse për shikuesit, veçanërisht në kinema.
Por gjatë një interviste të dhënë së fundmi, ai është shprehur se asnjë prej filmave të tij nuk i pëlqen, por do të shihte vetëm disa pjesë të vogla. Regjizori i famshëm është rrëfyer rreth mënyrës së tij të këndvështrimit të industrisë së filmave.
Gjatë një intervistë për MTV News, ai ka thënë se filmat e tij asnjëherë nuk dalin aq mirë sikurse i ka imagjinuar.
“Jam shumë i zhgënjyer. Ka gjithmonë një diferencë të madhe mes asaj që ke menduar të bësh në setin e xhirimit dhe asaj që përfundon të bësh”.
“Kur kam pasur skenarë për femrat, kam punuar me aktore të mrekullueshme. Burrat janë të mirë, por janë gjithmonë të zënë. Unë kam ftuar De Niron, kam folur në telefon me Dustin Hoffman dhe Jack Nicholson për t’iu ofruar rolet e mia.
Nicholson kur i telefonova ishte duke realizuar një tjetër film ‘Hannah and Her Sister’. Tashmë po punoj më Joaquin Phoenix, i cili është një aktor i madh dhe Sean Penn. Nuk kam pasur mundësinë që të punoj me disa nga aktorët më të mirë si Pacino, De Niro, Nicholson. Do të dëshiroja të punoja me Kevin Spacey dhe nëse do të kisha diçka për të, do ta ftoja brenda 1 minute”, ka thënë më tej Allen.