Asambleja Komunale e Malishevës, ka miratuar propozimin e Komisionit komunal për emërtimin e rrugëve në territorin e Komunës së Malishevës dhe prej dje pasdite, të gjitha rrugët e Komunës së Malishevës, janë me emrat e tyre.
Asambleja Komunale e Malishevës, po ashtu ka shqyrtuar edhe raportin e punës së Zyrës së Tatimit në Pronë për vitin 2013 dhe planin e punës për vitin 2014, ndërsa pika e cila ka zgjatur më së shumit, ishte trajtimi i raportit të Drejtorisë për Arsim dhe Edukim, për përfundimin e vitit shkollor 2013-2014.
Po ashtu, në këtë mbledhje, anëtarët e asamblesë kanë dëgjuar dhe shqyrtuare dhe raportin e auditorit të brendshëm për vitin 2013 dhe planin e punës për vitin 2014./PrizrenPress.com/