Në ditën e tij të parë të punës, ministri i Integrimit Evropian, Bekim Çollaku, takoj të gjithë ambasadorët e vendeve anëtare të Bashkimit Evropian.
Çollaku shprehu përkushtimin e Qeverisë për të adresuar reformat kyçe në kuadër të procesit të integrimit, me theks të veçantë në sundimin e ligjit, zhvillimin ekonomik dhe reformën e administratës publike.
“Gjatë takimit, ministrit Çollaku nënvizoi rëndësinë e nënshkrimit të Marrëveshjes së Stabilizim Asociimit ndërmjet Kosovës dhe Bashkimit Evropian. Sa i përket procesit të liberalizimit të vizave, ministri potencoj që gjatë javëve në vazhdim të gjitha institucionet do të angazhohen për përmbushjen e rekomandimeve të mbetura për liberalizimin e vizave”, thuhet në kumtesë.
Ai po ashtu u zotua se do të punojë shumë në parandalimin e migrimit ilegal.
Shefja e Politikës së Jashtmë të BE-së, Federica Mogherini dhe Komisioneri për Zgjerim, Johannes Hahn përshëndetën krijimin e institucioneve dhe shprehën gatishmërinë e tyre për të punuar së afërmi me institucionet për integrimin e Republikës së Kosovës në BE.