24.8 C
Prizren
E mërkurë, 2 Korrik, 2025

AAK reagon për mbylljen e zyrës në Prizren: Haskuka do të shkojë, por do të mbetet turpi që e lë pas vetes

Aleanca për Ardhmërinë e Kosovës ka reaguar pas mbylljen e zyrës së AAK-së në Prizren.

Në një shkrim në rrjetin social Facebook, AAK ka theksuar se pushteti i Haskukës mbyll zyrën e Aleancës në Prizren.

“Në mënyrë arbitrare, pa prezantuar fletë poseduese, Aleanca u dëbua nga zyrat në Prizren. Në këtë mënyrë pushteti i Haskukës, që është në muajt e fundit të tij, po provon që me represale të ndalojë zërin e opozitës”, thuhet në njoftimin e AAK-së.

Më pas, thuhet se “kjo mënyrë e sjelljes së kryetarit të komunës, që ngjason me metodat moniste, assesi nuk do ta tremb Aleancën që të paraqes realitetin e qeverisjes së VV-së me Prizrenin, e që kryefjala e saj është: Dështim i plotë”.

“Duke qenë se Aleanca respekton institucionet, edhe pse të njëjtat nuk kanë ofruar dokumentacion të mjaftueshëm, ne kemi lëshuar zyrat, ndërsa shumë shpejt do të vendosemi në hapësira të tjera”, thuhet tutje, duke shtuar se AAK-ja do të ankohet për këtë veprim arbitrar, sepse janë të bindur që drejtësia është në anën e tyre.

“Haskuka do të shkojë, por do të mbetet turpi që e lë pas vetes”, thekson AAK-ja.

Më Shumë

Eris Abedini largohet nga Ballkani

Ballkani ka njoftuar zyrtarisht largimin e mesfushorit Eris Abedini nga skuadra. Klubi suharekas ka falënderuar Abedinin për kontributin e tij gjatë kohës sa ishte...

Zero tolerancë ndaj keqpërdoruesve, aksione në rrjetin e ujësjellësit në rajonin e Prizrenit

Gjatë kësaj jave, KRU “Hidroregjioni Jugor” ka zhvilluar aksione të koordinuara në komunat e Prizrenit, Malishevës, Suharekës dhe Dragashit për evidentimin dhe shkyçjen e...

Lajmet e Fundit