Ambasadori i Republikës së Kosovës në Shqipëri, Nait Hasani, të hënën, ka vizituar Spitalin ”Prim. Dr. Daut Mustafa” në Prizren.
Ai është pritur nga drejtor ekzekutiv i Spitalit, Prof. Ass. Dr. Afrim Avdaj, i cili ambasadorin e ka njoftuar me punët, shërbimet e ofruara dhe planifikimet për të ardhmen.
Në takim është biseduar edhe për vendosjen e bashkëpunimit të dyanshëm, Kosovë-Shqipëri, në fushën e shëndetësisë.
Ambasadori i Republikës së Kosovës në Shqipëri, Nait Hasani, ka shprehur gatishmërinë për vendosjen e kontakteve të bashkëpunimit në mes institucioneve shëndetësore të Republikës së Kosovës me ato të Republikës së Shqipërisë, në rastin konkret edhe të Spitalit të Përgjithshëm të Prizrenit me spitalet në Shqipëri.
Ambasadori Hasani ka falënderuar drejtorin dhe gjithë personelin e Spitalit të Përgjithshëm të Prizrenit për gatishmërinë, kontributin dhe ndihmën e ofruar për banorët e Shqipërisë, gjegjësisht të prekurit nga tërmeti në Shqipëri.