Policia e Kosovës ka bërë të ditur se ka arrestuar, të dielën në Rahovec, katër të dyshuar nën dyshimin se në bashkëveprim kanë kryer vrasje në tentativë.
Sipas policisë rasti ka ndodhur mbrëmjen e 24 shkurtit ,teksa dy prej të dyshuarve kanë pranuar tretman mjekësor.
“Në vendin e ngjarjes janë gjetur 70 gëzhoja të kalibrave të ndryshëm ndërsa gjatë kontrollit në katër shtëpitë e tyre si prova materiale janë gjetur dhe konfiskuar: një AK-47, një pushkë gjuetie, dy pistoleta dhe 74 copë fishekë të kalibrave të ndryshëm”, ka njoftuar Policia e Kosovës.
Bëhet e ditur se me vendim të prokurorit katër të dyshuarit janë dërguar në mbajtje.
Rasti është në procedurë hetimore dhe është iniciuar si vrasje në tentativë dhe armëmbajtje pa leje.