Mesfushori shqiptaro-zviceran, Granit Xhaka deri më tani po bën një sezon të madh me Arsenal-in, skuadër e cila mban vendin e parë në Premier League.
Në sezonin fantastik të “Topçinjëve” merit ka padiskutim dhe Xhaka. Mesfushori ka qenë titullar në ndeshjet e deritanishme dhe një nga më të mirët.
Deri para pak kohësh, Xhaka po konsideronte largimin nga “Emirates”. Por ishte këmbëngulja e Mikel Arteta-s që e mbajti atë në Londër. Dhe mesa duket besimi iu shpërblye spanjollit.
Pavarësisht se mesfushori ka kontratë deri në verën e 2024, me opsion dhe për një tjetër vit, sipas mediave angleze klubi dëshiron qëndrimin më të gjatë të Xhakës.
Së bashku me Bukayo Saka dhe Gabriel Jesus, Xhaka është një nga yjet më të mëdhenj të momentit. Ai ka rifituar dhe respektin e tifozëve, me të cilët pati një përplasje verbale disa kohë më parë.
30-vjeçari është paraqitur në 12 ndeshje në të gjitha garat në sezonin aktual, ku ka realizuar dy gola dhe tre asistime. Të pesta këto në Premier League.
/Albanianpost.com