15.7 C
Prizren
E mërkurë, 2 Korrik, 2025

As më i shpejti i planetit nuk i shpëton COVID-19

Pandemia po vijon të bëjë kërdinë në mbarë botën, duke prekur edhe njerëz të sportit. Më i shpejti i planetit, Usain Bolt, ka rezultuar pozitiv me koronavirus vetëm disa ditë pasi festoi 34-vjetorin e lindjes.

Ai festoi me shumë miq të tij (emra të rëndësishëm), ndër të cilët ishte edhe futbollisti i Manchester City-t, Raheem Sterling. Raportohet se sprinteri më i madh i të gjitha kohërave ka marrë virusin dhe do të kalojë në izolim derisa testi t’i dalë negativ.

I njëjti burim thotë se 34-vjeçari e kishte bërë tamponin disa ditë më parë dhe se përgjigjen e mori të dielën. Ishulli i Karaibeve ka pasur gjithsej 1 413 raste me koronavirus dhe 16 vdekje në total.

Të shtunën, kryeministri Andreë Holness paralajmëroi një rritje të rasteve poztive dhe u bëri thirrje banorëve që të jenë vigjilentë për të parandaluar përhapjen. “Ka nevojë për vetëdije…për përgjegjësi personale nga secili qytetar,” – tha ai.

Më Shumë

Mot me diell, temperaturat arrijnë deri 33°C

Moti për ditën e sotme do të jetë kryesisht me diell. Temperaturat minimale do të jenë ndërmjet 11 dhe 15°C, ndërsa ato maksimale do të...

Qytetarët e Malishevës kërkojnë më shumë investime në infrastrukturë dhe bujqësi

Komuna e Malishevës ka njoftuar se po vazhdon me mbajtjen e dëgjimeve buxhetore në të gjitha fshatrat e saj, me qëllim që projektbuxheti për...

Lajmet e Fundit