Ballkani do të luajë këtë të enjte një sfidë shumë të vështirë në fushë dhe shumë domethënëse për vazhdimësinë e skuadrës në UEFA Europa Conference League (UECL). Përballë të besuarve të Ilir Dajës do të jetë Viktoria Plzen, skuadra që udhëheq grupin dhe e kualifikuar tashmë.
Stadiumi “Air Albania” në Tiranë do të jetë vendi që do të presë takimin mes Ballkanit dhe Viktoria Plzen-it. Ndeshja u zhvendos nga “Fadil Vokrri” dhe përgjithësisht nga Kosova për shkak të stadiumeve të papërshtatshme për një ndeshje të nivelit të tillë.
Duke filluar nga ora 18:45, Ballkani do të synojë fitoren në një duel që mund të flas shumë për fatet e skuadrës nga Suhareka.
Viktoria është skuadra e parë e kualifikuar nga Grupi C i Conference League. Çekët kanë 12 pikë. teksa tre ekipet e tjera janë në një lufte të hapur për të siguruar vendin e dytë në grup. Ballkani dhe Astana kanë nga 4 pikë. Ndërsa, Dinamo Zagrebit ka 3 pikë.
Në ndeshjen e raundit të parë të UECL, Viktoria Plzen triumfoi minimalisht në shtëpi përballë Ballkanit. Goli i vetëm i ndeshjes u realizua në minutën e 73 të pjesës së dytë nga Lukas Kalvach.
Brenda vendit, skuadra e Dajës është e pamposhtur në Superligën e Kosovës dhe mbetet në rrugën për titullin e tretë radhazi falë epërsisë së tyre aktuale prej shtatë pikësh. Ata janë gjithashtu golashënuesit më të mirë në divizion, pavarësisht se kanë luajtur dy ndeshje më pak se kundërshtarët e tyre më të afërt.
Por është një situatë krejtësisht e ndryshime në UECL, pasi Ballkani është skuadra që ka shënuar më pak në Grupin C. Ata kanë vetëm tre gola, duke arritur në total një fitore, një barazim dhe dy humbje.
Përballë sulmit të “ndrojtur” evropian të Ballkanit, Plzen-i është mbrojtja më e mirë në Grupin C pasi ka pranuar vetëm një gol në katër fitoret e tyre. Pikët kanë qenë më të rëndësishme sesa argëtimi për ekipin e Miroslav Koubek gjatë fazës së grupeve, pasi ata kanë arritur tre fitore 1-0 dhe një fitore 2-1 deri më sot.
Qasja e tyre e kujdesshme sigurisht që ka funksionuar, por me vendin e tyre të parë në Grupin C dhe përparimin në fazën e eliminimit tashmë të siguruar, ndoshta frena e dorës do të hiqet këtu për miqtë. Dhe megjithëse kjo lojë po zhvillohet në Shqipëri, Plzen tashmë ka mundur një ekip kosovar në udhëtimet e tyre këtë sezon pasi mundi Dritën 2-1 në gusht për të kaluar raundin e dytë kualifikues në UECL.
Almir Kryeziu ka kontribuar në dy nga tre golat e Ballkanit në Grupin C, me një goditje të pjesës së parë në shtëpi ndaj Dinamo Zagrebit që u pasua nga një asist kundër Astana-s në ndeshjen e tyre të fundit në shtëpi. Synimi për ta ndaluar atë do të jetë nga portieri Jindrich Stanek, i cili ka luajtur në tetë nga dhjetë ndeshjet e Plzen në UECL këtë sezon dhe ka pranuar vetëm tre gola.
Interesant është fakti që Plzen ka mbajtur shtatë porta të pastra në dhjetë ndeshjet e tyre të UECL, përfshirë kualifikimet, këtë sezon. Albanian Post