22.8 C
Prizren
E shtunë, 15 Qershor, 2024

BD, shpalos programin para studentëve

BD para studenteveBartësi i listës Osman Hajdari, i shoqëruar edhe nga kandidatët për Kuvend të Prizrenit Skender Susuri dhe Shani Berisha, shpalosen platformën zgjedhore të Bashkimit Demokratik para shumë studentëve të Universiteti të Prizrenit.

Hajdari shpalosi para studentëve të Prizrenit dymbëdhjetë premtimet kryesore që kandidati për kryetar, Zafir Berisha, ka si ofertë për qytetarët e Prizrenit. Ai theksoi se çdo shoqëri e organizuar në këtë rast edhe Prizreni duhet t’i kushtojë rëndësi të madhe ndërtimit të vazhdueshëm të administratës publike – komunale dhe ofrimit sa më efikas të shërbimeve publike sepse ajo paraqet shtyllën kryesorë të pushteti komunal.

“Ne duhet të ecim me konceptin e qartë se organet e administratës komunale duhet të bëhen realisht struktura efektive te pazëvendësueshme në themelet e pushtetit komunal të Prizrenit. Kështu do të arrijmë të krijojmë mentalitetet, shprehitë, metodat e punës, aftësitë menaxhuese dhe një koncept te qartë për përmbajtjen e punës së këtyre organeve, tek vetë shërbyesit civilë të administratës komunale si dhe tek vetë  strukturat e zgjedhura politike të pushtetit vendor”, tha Hajdari.

Ndërkaq, kandidati për Kuvend Komunal Skender Susuri premtoi se me ardhjen e BD–së në qeverinë komunale do të sigurohet një sistem arsimor gjithëpërfshirës, cilësor, transparent dhe në përputhje me nevojat e tregut. “Bashkimi Demokratik garanton funksionalizim të plotë të shërbimit pedagogjik –psikologjik dhe shëndetësor në shkolla, më shumë kopshte publike, zero përqindje braktisje të shkollimit të obliguar, etj.”, tha Susuri.

Ndërsa, kandidati tjetër Shani Berisha, shpjegoi në detaje rendësin e implementimit të projekteve urbanistike me theks të veçantë implementimin e Parkut të Biznesit dhe Planit rregullues  “Dardania 2 “. “Implementimi i Parkut të Biznesit është i një rëndësie të veçantë, pasi hapë perspektivë për tërheqjen e investimeve vendore e të jashtme, me çka do të hapen mundësit për krijimin e vendeve të reja të punës, që është synim kryesor i Bashkimit Demokratik”, tha Berisha./PrizrenPress.com/

Më Shumë

Edicioni i ri i Superligës nis më 10 gusht

Federata e Futbollit e Kosovës ka njoftuar se edicioni i ri garues në futbollin e Kosovës, 2024/25, do të nisë më 10 gusht. Do të...

Limaj merr pjesë në inaugurimin e “Kalasë së UÇK-së” në Prizren

Fatmir Limaj, kryetari i Nismës Socialdemokrate, mori pjesë në inaugurimin e kompleksit "Kalaja e UÇK-së" në Arbëri të Vërrinit në Prizren. Në këtë ceremoni...

Lajmet e Fundit