20.8 C
Prizren
E mërkurë, 17 Gusht, 2022

Beni Kizolli, kandidat i PK-së për kryetar të Prizrenit

BeniKizolli-pkKryesia e Partisë Konservatore të Kosovës propozon këshillit drejtues të partisë Beni Kizollin kandidat për kryetar të komunës së Prizrenit. Kandidatura e Kizollit do të shqyrtohet dhe miratohet në mbledhjen e parë të këshillit drejtues të partisë e cila do te mbahet gjatë javës së ardhshme në Prizren.

“Kryesia e partisë Konservatore të Kosovës ka vendosur se Beni Kizolli është kandidati më i volitshëm dhe i duhur për të garuar në zgjedhjet komunale me 3 nëntor dhe gëzon mbështetjen e gjerë të kryesisë, të anëtarëve të partisë dhe të qytetarëve të Prizrenit.

Vetë kandidatura e Beni Kizollit dëshmon se Partia Konservatore ofron një alternativë tjetër të qeverisjes së mirë pasi që në radhët e saj ka anëtarë të fortë, të pa komprometuar, profesionistë, që e duan komunën e Prizrenit dhe luftojnë për interesat e qytetarit”, thuhet në njoftimin e PK-së.

Beni Kizolli rrjedh nga një familje e vjetër prizrenase, është i lindur me 21.06.1983. Ka një përvojë të shquar akademike. Ka përfunduar Fakultetin e Inxhinierisë Mekanike në Prishtinë, Master i Shkencave Teknike si dhe vazhdon Doktoraturën në Universitetin GAZI të Ankarasë në kuadër të Institutit të Shkencave.

Beni Kizolli është një ndër themeluesit dhe aktivistët më të vjetër të Partisë Konservatore të Kosovës. Kontributi i Kizollit në themelimin, regjistrimin, përforcimin dhe shtrirjen e partisë është i pakrahasueshëm dhe i çmuar./PrizrenPress.com/

Më Shumë

Zafir Berisha përkujton dëshmorin Remzi Ademaj

Ish- komandanti i UÇK-së, Zafir Berisha, ka përkujtuar dëshmorin e kombit, Remzi Ademaj- “Petriti”. Postimi i plotë i Berishës: Para 24 vitesh (15.08.1998) ra heroikisht për...

Rahovec, identifikohet i dyshuari për 25 lajmërime apo kallëzime të rreme

Prej datës 8 janar 2022 deri më 14 gusht 2022 përmes aplikacionit “Lajmëro Policinë” pranë Stacionit Policor në Rahovec janë paraqitur njëzetepesë (25) lajmërime...

Lajmet e Fundit