37.8 C
Prizren
E premte, 19 Gusht, 2022

Bie në pranga të policisë edhe i dyshuari i tretë për grabitjen e turistit në Prizren

Pas disa ditësh në arrati, Policia e Kosovës ka arrestuar edhe të dyshuarin e tretë për rastin e grabitjes, që ndodhi më 8 korrik në qendër të qytetit të Prizrenit, ku një shtetas japonez është grabitur nga tre persona të dyshuar.

Burimet e Sinjalit brenda Prokurorisë kanë bërë me dije se edhe i arrestuari i tretë është i mitur, i cili pas intervistimit, iu është caktuar masa e ndalimit prej 24 orësh.

Ai bashkë me një të mitur tjetër, po dyshohet se nën kërcënimin e thikave, e kanë grabitur turistin japonez.

Gjithçka ndodhi në pikë të ditës, derisa viktima, 41-vjeçar po kalonte rrugën, kur papritmas i dolën përpara të dyshuarit. Ata e terrorizuan viktimën me veprime agresive, e madje nxorën edhe disa thika.

Nën kërcënimin e tyre, tre hajnat arritën t’ia marrin me forcë portofolion, në të cilin kishte një shumë të parave të gatshme dhe disa kartela bankare.

Përveç që e kanosën seriozisht, të dyshuarit edhe i përdorën mjetet e mprehta, duke i shkaktuar lëndime trupore 41-vjeçarit, që i pësoi gjatë përballjes me ta.

Më Shumë

Prizren/ Keqtrajtoi fëmijën e tij, Qendra për Punë Sociale e merr në përkujdesje

Një burrë nga Prizreni ka keqtrajtuar fëmijën e tij. Siç bëhet e ditur nga policia ndaj tij prokuroria ka inicuar hetime, shkruan PrizrenPress Rasti është...

Haradinaj viziton DokuFest-in, thotë se po e vendos Kosovën në hartën e botës

Kryetari i Aleancës për Ardhmërinë e Kosovës, Ramush Haradinaj, ka vizituar sot festivalin ndërkombëtar të filmit dokumetar dhe atij të shkurtër, DokuFest, në Prizren,...

Lajmet e Fundit