Bleona Qereti ka qenë e ftuar për të performuar në një darkë mes biznesmenësh në rivierën franceze, gjatë Festivalit të Kanës dhe sigurisht, duke patur famën ndërkombëtare si qëllim kryesor, këngëtarja nuk mund të thoshte ‘jo’.
E shoqëruar nga disa balerinë shqiptarë, Bleona ka performuar, por më shumë sesa interpretimi i saj, ajo që binte në sy ishte veshja. 36-vjeçarja u ngjit në skenë me të njëjtën veshje që ka përdorur në një koncert të realizuar në Shqipëri 4 vite më parë.
Nuk e dimë nëse kjo është krizë e Bleonës për costume, ose mënyra e këngëtares për të larguar ‘syrin e keq’ sa herë bëhet pjesë e ngjarjeve me rëndësi.