-6.2 C
Prizren
E enjte, 9 Shkurt, 2023

Brukseli të enjten me të “deleguar special” në Prishtinë! Ja si do të ndërtohet koalicioni!

BE-flamuri14Brukseli zyrtar të enjten do ta dërgoj një përfaqësues special të saj në Prishtinë, i cili pritet të takohet me liderët e të gjitha partive.

Ky zyrtar i lartë i Bashkimit Evropian, në këto takime me liderët e partive politike kosovare pritet që t’u bëjë të qartë atyre parimet mbi bazën e të cilave duhet të ndërtohet qeveria e ardhshme e Kosovës.

Kështu kanë bërë të ditur burime ndërkombëtare të Gazetës Blic.

Sipas këtyre burimeve, ky zyrtar i lartë i BE-së do të përcjell tek liderët kosovare kushtet se si do të ndërtohet koalicioni i ardhshëm. “Si kushti, apo parimi kryesor i Bashkimit Evropian është vazhdimi i bisedimeve me Serbinë. Ky zyrtar i lartë i Brukselit zyrtar do të kërkoj që kushdo që do të vij në qeveri duhet të vazhdoj negociatat me Serbinë”, ka thënë ky burim i Gazetës Blic.

Kusht tjetër shumë i rëndësishëm është edhe krijimi i koalicionit të shumicës, për shkak të disa proceseve të ndjeshme nëpër të cilat do të kaloj Kosova. “BE e sheh shumë të rëndësishme krijimin e një qeverie të shumicës, sidomos në periudhën kur Kosova pritet të kaloj nëpër periudhën e krijimit të Gjykatës Speciale, e ku pritet të ketë arrestime të mëdha”, ka thënë burimi.

Sipas këtij burimi, kusht tjetër është edhe mos ndërprerja e privatizimit. Mirëpo, për Brukselin zyrtar primare është çështja e bisedimeve me Serbinë.

Megjithatë, ky burim ka thënë se BE nuk do të ndërhyj ndërmjet partive se kush me kë duhet të bëjë koalicion. “Thjesht çështjen e formimit të qeverisë do ta lënë në duar të partive. BE është e interesuar t’ua tregoj liderëve të partive parimet mbi bazën e të cilave duhet të ndërtohet qeveria e re”, tha ky burim.

Ndërkohë, në Prishtinë ende janë në pritje të verdiktit të Gjykatës Kushtetuese të Kosovës, e cila edhe pse ka marrë dje vendim për cështjen e mandatarit për formimin e qeverisë së re të Kosovës, nuk e ka publikuar këtë vendim.

Pas zgjedhjeve të 8 qershorit PDK, edhe pse ka dalë partia e parë nuk e ka shumicën në Kuvend, për faktin se partitë tjera shqiptare, LDK- AAK- Nisma kanë arritur një marrëveshje për bashkëqeverisje, të cilët e kanë edhe mbështetjen e Lëvizjes Vetëvendosje.

Më Shumë

Anthony Joshua emëron trajnerin e ri para meçit me Jermaine Franklin

Anthony Joshua ka emëruar Derrick James si trajnerin e tij të ri për luftën e rikthimit në peshën e rëndë kundër Jermaine Franklin më...

Parandalohet futja e narkotikëve dhe e një telefoni në Qendrën e Paraburgimit në Prizren

Shërbimi Korrektues i Kosovës (SHKK) ka njoftuar se në Qendrën e Paraburgimit në Prizren, të hënën rreth orës 11 është parandaluar futjen e një...

Lajmet e Fundit