17.8 C
Prizren
E diel, 14 Gusht, 2022

Çka po ndodh në KF Liria ?

rami berishaaaRami Berisha

Javët e fundit, situata në Klubin Futbollistik Liria, ishte ndër temat kryesore në qytetin e Prizrenit pasi, KF Liria, rënia e saj nga superliga u bënë “temë e nxehtë” edhe në Asamblenë komunale, ku të zgjedhurit e popullit (edhe ata që nuk e dinë a luhet futbolli me dorë apo me këmbë), debatuan dhe dolën me një zgjidhje për klubin futbollistik Liria. Liria së paku deklarativisht iu kthye komunës në masën 51 përqind, ndërsa nuk dihet e kujt mbeti 49 përqind, pasi që ka një tërheqje të heshtur të Kompanisë “Drini” që për 5 vjet e kishte në pronësi “Lirinë”.

Zhvillimet pozitive të zhvilluara jashtë skuadrës, rezultuan, me formimin e kryesisë së re në të cilën janë anëtarët e Kuvendit Komunal (nga ekzekutivi e legjislativi) dhe biznesmenët, dhe pritet që rezultati i parë (shpresojmë të mos jetë i fundit) i këtij organizimi të shihet para festës së Bajramit, kur futbollistëve u është premtuar shlyerje e një pjese të borxhit. Athua është kjo kërkesa maksimale që kryesia e re ia ka vënë vetes. Që të ia shlyej një pjesë të borxhit futbollistëve të Lirisë dhe ta marr namin për këtë pjesë, që ua vlerësojmë si meritë…sepse përtej kësaj asgjë nuk duket në horizont…sepse të mërkurën Liria, zymtë i ka filluar përgatitjet. Nga ajo që u pa të mërkurën, situata përbrenda skuadrës është e njëjtë me atë të vitit të kaluar, kur Liria u përshëndet nga superliga.

Futbollistët i mban shpresa, por në horizont nuk ka asnjë shenjë për organizim përbrenda Klubit. Shtrohet pyetja, athua gjithë ai angazhim i Asamblesë dhe asmableistëve, (edhe atyre që nuk e dinë a luhet futbolli me dorë a me këmbë) u bë që në kryesi të vijnë anëtarët e Kuvendit komunal. Ku janë emrat e njohur të futbollit prizrenas, për të cilët u premtua se do të mblidhen rreth Lirisë, për një organizim të mirëfilltë. Nuk ka asnjë shenjë se në këtë kohë të zhvillimeve rreth dhe për Lirinë është kontaktuar ndonjëri nga emrat e mëdhenj të Klubit Futbollistik Liria, dhe të futbollit prizrenas në përgjithësi, për ta marr nga ata, ndonjë “formulë” sportive për ta shpëtuar “Lirinë” në shtigje më afatgjata.

Formulat politike deri tani janë treguar me zgjidhje afatshkurtra. Liria pas luftës, disa herë ka rënë dhe është ngjitur përsëri në superligë, por nuk ka arritur të projektojë qëndrueshmërinë, edhe përkundër faktit se Prizreni e ka një 11- she reprezentative, e cila do të garantonte suksese, por që është e shpërndarë nëpër klubet e Kosovës, ndërsa e ka edhe një 11-she aktuale shumë të talentuar, por me të cilën duhet punuar…ekspertët e futbollit e jo politika. Futbolldashësit me shumë dashamirësi i kanë përcjellur zhvillimet e fundit përbrenda Klubit Futbollistik Liria, dhe kanë shpresuar e besuar (shpresojnë ende, besimi u është zbehur) se Liria më në fund do të udhëhiqet nga sportistët, sepse “fatkeqësia e Lirisë në vitet e fundit, ishte se nuk u udhëhoq nga sportistët.

Dëshirojmë të mos kemi të drejtë, në këtë që e themi dhe do të ishim të lumtur sikur zhvillimet në Liri të na demantonin, por shenja se Liria do t’i kthehet atyre që e njohin futbollin nuk ka. Në skuadër askush nuk di të thotë nëse stadiumi do të jetë gati deri në fillimin e garave, dhe më shumë për ironi askush nuk e di të thotë ku do të zhvillohen ndeshjet në edicionin e ri të garave. Ndoshta në Suharekë ose në Rahovec. Përse nuk mjaftuan 200 mijë euro që stadiumi të rregullohet deri në ditën kur fillojnë garat. Ndonjë start evenduatl i dobët Lirisë do t’i kushtojë Prizrenit, shumë më shtrenjtë se që mund ta kap mendja e shëndoshë…Apo logjika me të cilën Liria është udhëheq viteve të fundit do të jetë ende e gjallë…Punë e madhe edhe nëse “Liria” bie nga liga e parë. Nëse udhëhiqemi më këtë logjikë edhe ndodhë…/prizrenpress.com/

Më Shumë

Prizren:250 euro gjobë ndaj shtetasit egjiptian i cili përmes malit kishte hyrë ilegalisht në Kosovë

Gjykata Themelore në Prizren, këtë të premte ka shpallur aktgjykim dënues ndaj të akuzuarit M.B shtetas egjiptian duke e dënuar me 250 euro gjobë...

Kërkohet miratimi i Ligjit për pagat, paralajmërohet grevë në arsim

Gjatë ditës së sotme janë takuar Kolegjiumi për arsim në kuadër të Asociacionit të Komunave të Kosovës (AKK) dhe Sindikata e Bashkuar e Arsimit,...

Lajmet e Fundit