Deputeti i Vetëvendosjes, Arbër Rexhaj, e ka quajtur të paftyrë qytetarin serb, Spasa Jovanoviq, i cili po kërkon kthimin e parcelës ku janë të varrosur 77 martirët e fshatit Korishë të Prizrenit.
“Spasa Jovanoviq së pari të na kthejë të gjallë 77 martirët e vrarë nga NATO-ja të cilët u përdorën si mur nga forcat ushtarake – paramilitare serbe e pastaj ka të drejtë morale të kërkojë tokën që pretendon të jetë e tij, në vendin ku sot prehen në paqe shpirtërat e tyre”, shkruan Rexhaj në Facebook.
Spasa Jovanoviq, bashkë me disa qytetarë të tjerë serbë ka paditur Komunën e Prizrenit për urzurpim të pronës ku janë të varrosur martirët e fshatit Korishë.
“Spasa Jovanoviq, paska kërkuar nga Gjykata Themelore në Prizren t’ia kthej parcelën ku sot gjenden eshtrat e 77 martirëve të vendosur në fshatin Korishë. Së pari kërkesa e tij është e pafytyrë, sepse në atë tokë më janë të vendosur trupat e gati 77 martirëve ku familjet e prizrenasve, dhe të qytetit të Therandës i përkujtojnë me mall, së dyti kërkesa e tij është patetike, nacionaliste dhe provokative deri në fund”,shkruan Rexhaj,transmeton “PrizrenPress”.
“Spasa fillimisht duhet të kërkoj nga shteti i tij, që të fus pas grilave kriminilet që shkaktuan masakrën në tokën që pretendon të jetë e tij, ata kriminelë ordinerë që sillen lirshëm në për Serbi, më pastaj të mendohet mirë se a e do atë tokë përnjëmend apo jo, sepse fundja aty qëndron përkujtimi i gjenocidit që kanë bërë vëllezërit e tij në Kosovë”.
“Sipas padisë, Komuna e Prizrenit, në pronën e kontestuar, ka ndërtuar memorial për viktimat e luftës në Kosovë, ku më 13 maj 1999, nga bombardimet e NATO-s, kanë mbetur të vrarë 77 viktima nga fshati Korishë dhe fshatrat përreth”.
“Spasa poqesë ka zemër, le të vijë njëherë në këtë memorial, me sytë e tij ta shoh se çka kanë bërë vëllezërit e tij kriminel, poqëse ka zemër t’i nderoj viktimat e luftës që ka shkaktuar ushtria e tij, e pastaj të kërkoj një gjë të tillë para atyre familjeve që kanë humbur më të dashurit e tyre!”/PrizrenPress.com/