Sot kryetari i Komunës së Prizrenit, Mytaher Haskuka, ka pritur në takim ministrin e Ministrisë së Shëndetësisë, Armend Zemaj, zëvendëskryeministren Albulena Balaj-Halimaj, drejtorin e IKSHP-së, Dr. Naser Ramadani, si dhe kryeinspektoren e Shëndetësisë, Nora Krasniqi.
Gjatë këtij takimi, kryetari Haskuka ka njoftuar ministrin Zemaj që Komuna e Prizrenit është e gatshme për t’i bërë testet serologjike si dhe për sfidat që janë paraqitur si pasojë të pandemisë.
Ai bëri të ditur se në proporcion me numrin e banorëve që ka komuna e Prizrenit, ka mungesë të stafit shëndetësor, edhe pse në krahasim me të kaluarën kur numri i Qendrave të Mjekësisë Familjare ka qenë 27, sot Komuna e Prizrenit ka 44 qendra të tilla.
Drejtori i IKSHP-së gjatë takimit njoftoi se nga numri i përgjithshëm i rasteve të konfirmuara në Prizren, tani 23% të tyre janë raste aktive, ku me këto statistika sipas tij Komuna e Prizrenit është ndër komunat me të suksesshme në menaxhimin e pandemisë Covid-19.