Dy familje në fshtin Malësi e Re të Prizrenit janë grushtuar për pronë. Policia njofton se në rrahje janë përfshirë tetë persona të këtyre familjeve.
“Për shkak të problemeve të mëhershme pronësore në lokacionin e cekur ka ndodhur një rrahje në mes të dy familjeve në të cilin ishin të përfshirë tetë të dyshuar meshkuj K-Shqiptarë, me ç’rast lëndime trupore kanë pësuar shtatë të dyshuar, nga përdorimi i mjeteve të forta (shufrave) gjatë rrahjes”.
Sipas policisë, të lënduarit janë dërguar për trajtim mjekësor në Spitalin e Prizrenit. Me urdhër të prokurorit rasti ka kaluar në procedurë të rregullt./PrizrenPress.com/