19.8 C
Prizren
E martë, 18 Qershor, 2024

Fondi i bibliotekave pasurohet edhe për 5 mijë kopje librash

Libra-kongresit te manastiritMinistria e Kulturës, Rinisë dhe Sportit ka shpërndarë të martën në Bibliotekën Kombëtare të Kosovës “Pjetër Bogdani”, mbi 5 mijë kopje të rreth 60 titujve për bibliotekat komunale të qyteteve të Kosovës.

Në ceremoninë e organizuar mor;n pjesë ministri i Kulturës, Rinisë dhe Sportit, Memli Krasniqi, ushtruesja e detyrës së drejtorit të BKK-së, Ramize Bajraktari, anëtarët e Këshillit Drejtues të BKK-së, si dhe drejtorët e bibliotekave komunale dhe botues.

Gjatë ceremonisë, ministri Krasniqi e theksoi rëndësinë e kësaj dite p;r bibliotekat, botuesit dhe lexuesit, meqë domethënia e librit është e pazëvendësueshme. Ai përmendi rëndësinë që sipas tij, institucioni që ai udhëheqë po ia kushton librit çdo herë e më shumë, përmes ligjit për bibliotekat dhe për fondin e caktuar në kuadër të buxhetit.

“Më vjen mirë që ne si institucion në tri vitet e fundit e kemi rritur trefish përkrahjen për librin, ku këtë vit për tri konkurse kemi ndarë rreth 100 mijë euro. Përveç përkrahjes së botimit të librave dhe revistave, ne kemi filluar tash e dy vjet të blejmë tituj të rinj prej botuesve të Kosovës”, tha ministri.

Sipas njoftimit të MKRS, Krasniqi ka thënë se përmes këtyre titujve të rinj është mbështetur edhe lexuesi, i cili do të ketë qasje të drejtpërdrejtë në këta libra që janë botuar së fundmi, nëpër bibliotekat në lokalitetet ku ata jetojnë.

Më Shumë

Lajmet e Fundit