12.8 C
Prizren
E martë, 23 Prill, 2024

Erdogani i kërkon Osmanit luftimin e gylenistëve në Kosovë

Presidentja e Kosovës, Vjosa Osmani, po qëndron në Turqi, ku mori pjesë gjatë ditës së djeshme në Forumin Diplomatik në Antalia.

Në margjina të këtij forumi, Osmani është pritur në një takim edhe nga president turk, Recep Tayyip Erdogan.

Siç njofton presidenca turke, dyshja kanë biseduar për një sërë çështjesh, “përfshirë sulmet e fundit të Izraelit në Gaza dhe marrëdhëniet bilaterale mes” Turqisë dhe Kosovës.

Sipas një deklarate nga presidenca turke, të dy presidentët folën për luftën e vazhdueshme kundër terrorizmit.

Presidenti Erdogan theksoi “progresin në marrëdhëniet mes Turqisë dhe Kosovës, duke theksuar rëndësinë e luftimit të strukturës së FETO-s në Kosovë”.

“Përveç kësaj, Turqia ka qenë e përfshirë në mënyrë aktive në Kosovë përmes pjesëmarrjes së saj në misionin paqeruajtës të udhëhequr nga NATO, Forca e Kosovës (KFOR). Forcat turke kanë luajtur një rol të rëndësishëm në ruajtjen e paqes dhe stabilitetit në rajon, duke mbështetur përpjekjet e Kosovës drejt sigurisë dhe zhvillimit”, citohet të ketë thënë Erdogani.

Presidenti turk, në këtë takim theksoi edhe nevojën urgjente për t’i dhënë fund konfliktit në Gaza, “për të përmirësuar situatën humanitare përmes rritjes së ndihmës” dhe bëri thirrje për veprim të fortë ndërkombëtar.

Një njësi e re e forcave turke mbërriti në Kosovë këtë javë për të zëvendësuar forcat italiane.

FETO është shkurtesa për “Organizata Terroriste Fethullahiste”, term ky i përdorur nga qeveria e Turqisë për t’iu referuar lëvizjes islamike të udhëhequr nga kleriku Fethullah Gylen.

“Eli –Edona”, mobilieria me oferta më të mira në Prizren

“Adi-Plast” në Prizren, një emër i njohur në tregun e Kosovës dhe ndërkombëtar për vendosjen e dyerve dhe dritareve

 

Më Shumë

Totaj inspekton ndërtimin e obeliskut të UÇK-së

Në vazhdën e punimeve, në projektin “Ndërtimi i infrastrukturës (rrugëve dhe ambientit), turizmit kulturor në Leskovec”, sot, kryetari i Prizrenit, Shaqir Totaj, së bashku...

Ish-gazetari Ramadan Baraliu aderon në Vetëvendosje

Ish-gazetari dhe politikologu, MSc. Ramadan Baraliut ka aderuar sot në Lëvizjen Vetëvendosje. Ai ëshvë mirëpritur nga kryetari i Qendrës së LVV-së në Prizren, Artan Abrashi...

Lajmet e Fundit