Kandidatët që po garojnë për të parin e Prizrenit Shaqir Totaj nga PDK-ja dhe Mytaher Haskuka nga Lëvizja Vetëvendosje, kanë akuzuar njëri tjetrin me akuza të njetja.
Në ballafaqimin e tyre në “Tribunë Zgjedhore” Mytaher Haskuka ka akuzuar Shaqir Totajn së shtëpinë në Prizren e ka pa leje, saktësisht njërin kat të shtëpisë e ka pa leje.
Ai këtë e ka bazuar në një raport të organizatës “Ec ma Ndryshe” që vepron në Prizren e cila ka nxjerrë një raport për tejkalimet e lejeve ndërtimore në Prizren, e në këtë listë sipas Haskukës është edhe shtëpia e Shaqir Totajt.
Por një gjë të tillë e ka mohuar kategorikisht kandidati i PDK-së.
Totaj ka thënë se akuza e Haskukës nuk është e vërtet dhe se shtëpia e tij ka leje.
Por ai ia ka kthyer akuzën me të njëjtën monedhë.
Totaj ka thënë se shtëpia në të cilën jeton Mytaher Haskuka në Prishtinë është pa leje ndërtimore.
E një gjë të tillë e ka pranuar vet Haskuka në “Tribunë Zgjedhore”
Por Haskuka ka sqaruar se kur ai ka nisur ndërtimin e shtëpisë nuk janë marrë leje për ndërtime në zonën ku ai ka shtëpinë
Ndërkaq ka pohuar se më pas ka aplikuar për legalizim të ndërtimit dhe se leja ndërtimore është në proces./GazetaTribuna/TribunaChannel/