Kryetari i Prizrenit, Mytaher Haskuka, i ka quajtur dyfytyrësh kuvendarët e opozitës në Kuvend.
“Sot edhe njëherë u vërtetua dyfytyrësia e asamblistëve opozitarë në Prizren!”, shkruan Haskuka në Facebook.
“Të votosh kundër “Riparcializimit për shpalljen e zonës së veçantë për Industri të Lehtë – Parku i Biznesit” është të votosh kundër funksionalizimit të Parkut të Biznesit, pra të jesh kundër zhvillimit të prodhimit vendor, kundër punësimit e kundër rinisë”.
“Nuk e di se si do ta arsyetojnë këta veten përpara qytetarëve të Prizrenit, bizneseve, e sidomos para rinisë që presin zhvillim e punësim!”.
Kuvendarët e opozitës nuk kanë votuar sot asnjë pikë të rendit të ditës të Kuvendit Komunal.