Kryetari i Komunës së Prizrenit, Mytaher Haskuka, po e injoron nënkryetarin e tij, Eshref Memaj.
Ai, nuk informohet për asgjë.
Memaj është në postin e nënkryetarit të Komunës është emruar pas arritje së marrë veshjes për bashkëqeverisje të partisë së tij, LDK me Vetëvendosjen.
Asamblisti i LDK-së në Prizren, Petrit Hoxhaj, tregon se nënkryetari Memaj, ftohet nga Haskuka vetëm për vendosjen e luleve mbi varre.
“Nënkryetarin e fton vetëm atëherë kur ka me vendosë lule mbi varreza”, tregon Hoxhaj, shkruan “PrizrenPress”
Ai, tha se përveç nënkryetarit, në Panairin e bizneseve të grave nuk është ftuar askush.
“Panairi është kryekëput i Lëvizjes Vetëvendosje me taksat e Komunës së Prizrenit” .
“Çdo ditë e më shumë LVV po e tregon veten e saj, se nuk është për një bashkëqeverisje”.
“Nuk është hera e parë që nënkryetari i Komunës nuk ftohet nëpër takime, s’paku nuk është as i informuar për shumë delegacione që vijnë në Shtëpinë e Bardhë”.
Asamblisti Hoxhaj, e ka një porosi për Haskukën.
“Ju vazhdoni me t’ juajën ne do të vazhdojmë tonën”/PrizrenPress.com/